Vaktsınatsııadan soń vırýs juqtyrý múmkin be? - dáriger
ALMATY. QazAqparat - «Spýtnık V» vaktsınasy qanshalyqty tıimdi ári odan soń vırýsty qaıta juqtyrý múmkin be? Osy jáne ózge de saýaldarǵa Ortalyq klınıkalyq aýrýhananyń ınfektsııalyq baqylaý boıynsha dırektory orynbasarynyń mindetin atqarýshy Elvıra Ibragımova jaýap berdi, dep habarlaıdy QazAqparat tilshisi.
«Óndirýshiler taratqan aqparatqa sáıkes, vaktsınanyń tıimdiligi 99%. Alaıda ondaı yqtımaldyq bar. 1 paıyz adam vaktsınatsııadan soń aýyryp qalýy múmkin. Alaıda, aýrý jeńil ótedi», - dedi Elvıra Ibragımova.
Onyń aıtýynsha, maska taǵyp, áleýmettik qashyqtyq saqtaý mindetti shart.
«Bul ınfektsııanyń jańa ekendigine baılanysty biz sizderge profılaktıka retinde mindetti túrde maska taǵýdy usynamyz»,- dedi ol.
Munyń aldynda ol Almatyda 1750 medıtsına qyzmetkeri,
658 polıtsııa qyzmetkeri men 310 muǵalim vaktsına alǵanyn aıtty.
