Reseılik ushaq Qazaqstan áýe keńistiginde shuǵyl keri burylýǵa májbúr boldy
ASTANA. KAZINFORM — Novosıbırsk — Baký baǵyty boıynsha ushqan S7 áýe kompanııasynyń reısi Qazaqstan aýmaǵy ústinen ótken kezde keri burylyp, Omby qalasyna shuǵyl qonýǵa májbúr boldy. Bul týraly Mash Telegram-arnasy habarlady.
Búgin atalmysh Telegram-arna oqıǵaǵa qatysty vıdeo jarııalady.
Oqıǵa Qazaqstan áýe keńistiginde bolǵan. Ekıpajdaǵy jolaýshylardyń birine shuǵyl medıtsınalyq kómek qajet bolǵandyqtan, ushaqty dereý keri burý týraly sheshim qabyldaǵan.
— Borttaǵy jolaýshylardyń biriniń jaǵdaıy kenetten nasharlap ketti, — delingen habarlamada.
Aıta keteıik, Air Astana áýe kompanııasynyń ushaǵy tehnıkalyq aqaýǵa baılanysty Beıjiń áýejaıyna shuǵyl qonǵan edi. Áýe kemesi 2026 jylǵy 8 qańtarda Seýl — Astana baǵytyndaǵy KC210 reısin oryndap jatqan. Kompanııanyń málimetinshe, ushaqtaǵy barlyq dárethanalardyń isten shyǵýyna baılanysty áýe kemesi Qytaı astanasyndaǵy áýejaıǵa qonǵan.
