Vaktsına alǵandardyń 65%-yn revaktsınatsııalaý qajet - DSM

NUR-SULTAN. QazAqparat – QR Densaýlyq saqtaý mınıstri Ajar Ǵınııat Úkimet otyrysynda vaktsına alǵandardyń 65%-yn revaktsınatsııalaý josparda bar ekenin aıtty, dep habarlaıdy QazAqparat tilshisi.

«Koronavırýs ınfektsııasynyń taralýyna qarsy is-qımyldy kúsheıtý úshin densaýlyq saqtaý júıesine júktemeni eskere otyryp, koronavırýstyń taralýyn boljaý matrıtsasy qaıta qaraldy Soǵan baılanysty, sanıtarlyq-profılaktıkalyq sharalar vedomstvoaralyq komıssııanyń otyrysynda engiziledi», - dedi mınıstr.

Sondaı-aq, ol ujymdyq ımmýntıtetti saqtaýdyń mańyzdylyǵyna toqtaldy.

«Sonymen qatar, ujymdyq qorǵanys pen turaqty epıdemıologııalyq jaǵdaıdy saqtaý úshin buryn KVI-ge qarsy vaktsınalanǵandardyń keminde 65%-y revaktsınatsııamen qamtylady», - dedi vedomstvo basshysy.

Buǵan deıin Ajar Ǵınııat elimizde koronavırýsqa qatysty epıdemıologııalyq ahýaldy baǵalaý matrıtsasy jańa tártipte júrgiziletinin aıtqan bolatyn.

«Sary» aımaqqa ótken kezde ınfektsııanyń taralý oshaǵyn oqshaýlaýǵa qatysty qosymsha sharalar qabyldanady. Bul rette bızneske júkteme túsirmeı, tıisti qadamdar júzege asyrylady. Al, «qyzyl» aımaqqa ótken kezde, óńirlerde «sary» aımaq kezinde qabyldanǵan is-qımyldarǵa qosymsha turǵyndardyń qozǵalysyn shekteý men kásipkerlik sýbektileri qyzmetine qatysty sharalar qabyldanady. Bul jumystar eki kezeń boıynsha iske asyrylady, sondaı-aq statsıonarlar men bastapqy medıtsınalyq-sanıtarlyq kómek mekemeleriniń júktemesi eskeriledi.