Vaktsına alǵandar arasynda aýrý deńgeıi qandaı

NUR-SULTAN. QazAqparat – Sanıtarlyq-epıdemıologııalyq baqylaý komıteti tóraǵasynyń orynbasary Záýre Ahmetova Qazaqstanda koronavırýsqa qarsy qoldanylatyn vaktsınalardyń tıimdiligi týraly statıstıkany aıtty, dep habarlaıdy QazAqparat tilshisi.

Áýeli Densaýlyq saqtaý vıtse-mınıstri Marat Shoranov koronavırýspen birneshe ret aýyrǵandardyń sanyn atady.

«Koronavırýspen qaıtalap aýyrǵandardyń sany 23 myń adamdaı bolady. Byltyrǵy naýryzdan bastap qaıtalap aýyryp, emdelgenderdiń sany osynsha. Sonyń ishinde 3 200 adam statsıonarlyq em alǵandar. Qalǵan 20 myń adam jeńil formada aýyryp, emhana deńgeıinde em alǵan», - dedi Densaýlyq saqtaý vıtse-mınıstri Marat Shoranov.

Záýre Ahmetovanyń aıtýynsha, vaktsınanyń birinshi komponentin alǵannan keıin aýyrǵandardyń úlesi 0,1 paıyz bolsa, ekinshi komponentin alǵannan keıin aýyrǵandardyń úlesi – 0,2 paıyz.

«Koronavırýspen aýyrǵandardyń statıstıkasyn qarasaq, 99,9 paıyzy vaktsına almaǵandar. Tek 0,1 paıyzy ǵana vaktsına alǵannan keıin aýyrǵan. Onyń sany – 20 211 adam. Vaktsınalardyń túrine qaraı jiktesek, birinshi komponent alyp aýyrǵandardyń sany – 7 070 adam», - dedi komıtet ókili.

Onyń ishinde «Spýtnık V» alǵan 6 108 adam (0,1 paıyz). Bul vaktsınany 5 mln 669 855 adam alǵan.

QazVac vatsınasyn 172 707 adam alǵan. Onyń ishinde 172 adam aýyrǵan (0,1 paıyz).

Hayat-Vax alǵandar sany - 529 349 adam. Onyń ishinde 553 adam aýyrǵan (0,1 paıyz).

CoronaVac ekpesin alǵandar arasynda 218 adam aýrý juqtyrǵan (0,1 paıyz). Jalpy bul vaktsınany alǵandar sany - 249 373 adam.

«Ekinshi komponent alǵannnan keıin 13 141 adam aýyrǵan. Bul – 0,2 paıy», - deıdi Záýre Ahmetova.

Onyń ishinde «Spýtnık V» alǵan 4 mln 912 195 adamnyń 11 101-i aýyrǵan (0, paıyz).

QazVac vatsınasynyń ekinshi komponentin alǵan 113 730 adamnyń 231-i aýyrǵan (0,2 paıyz).

Hayat-Vax alǵandar sany - 472 463 adam. Onyń ishinde 1 448 adam aýyrǵan (0,1 paıyz).

CoronaVac ekpesin alǵandardyń 341-i aýrý juqtyrǵan (0,15 paıyz).