V.Pýtın Qazaqstannyń soǵys ardagerlerine alǵys aıtty

ASTANA. QazAqparat - Reseı Prezıdenti Vladımır Pýtın Uly Jeńistiń 70 jyldyǵy qarsańynda qazaqstandyq ardagerlerge jeńis úshin alǵys aıtty.

Kremldiń baspasóz qyzmetinen habarlaǵandaı, Reseı Prezıdenti Ázerbaıjan, Armenııa, Belarýs, Qazaqstan, Qyrǵyzstan, Moldova, Tájikstan, Túrkimenstan, Ózbekstan, Abhazııa, Ońtústik Osetııa basshylaryn, sonymen qatar Grýzııa jáne Ýkraına azamattaryn Jeńistiń 70 jyldyǵymen quttyqtady.

Reseı Prezıdentiniń quttyqtaýynda Uly Jeńis kúni álemdi natsızmnen qutqarǵan halqymyzdyń ortaq, qundy jetistigi ekeni aıtylǵan.

Reseı memleketiniń basshysy Uly Otan soǵysy jyldary nyǵaıa túsken baýyrlas, dostyq - halyqtar arasyndaǵy qarym-qatynastyń kúsheıýine yqpal etip, qazirgi ýaqytta jáne bolashaqta urpaqtarymyzǵa úlgi bolaryna senim bildirdi.

V.V.Pýtın Uly Otan soǵysynyń ardagerlerine alǵys aıtyp, olarǵa myqty densaýlyq pen bereke tiledi.