Úılerdiń mańyndaǵy máıit: Astana polıtsııasy aqparatty rastady
Astana Polıtsııa departamentiniń baspasóz qyzmeti kópqabatty úılerge jaqyn jerde adamnyń máıiti tabylǵanyn rastady, dep habarlaıdy Kazinform.
«Daladan tabylǵan máıit boıynsha – zorlyq-zombylyq belgileri joq», – delingen resmı málimette.
Atalǵan fakti boıynsha sotqa deıingi tergep-tekserý bastalǵan.
«Jedel-tergeý is-sharalarynyń kesheni júrgiziledi. Oqıǵanyń mán-jaıy anyqtalyp jatyr. Birqatar saraptama taǵaıyndaldy», – dedi polıtsııadan.
Sondaı-aq Astana qalasynyń Polıtsııa departamenti elordadaǵy krımınogendik jaǵdaı turaqty ekenin málimdedi.
«Polıtseıler táýlik boıy qoǵamdyq tártipti saqtaý jáne quqyqqa qaıshy áreketterge jol bermeý boıynsha qyzmet atqarýda», – delingen vedomstvo aqparatynda.
Aıta keteıik, búgin áleýmettik jelide kópqabatty úılerdiń artynda ornalasqan dalaly jerde adamnyń múrdesi tabylǵany týraly jazyldy. Qala turǵyndarynyń sózinshe, ol aýmaq jaryqtandyrylmaǵan, sol sebepti onda turǵylyqty jeri joq adamdar men esirtki jasyryp ketýshiler kóp júredi.
