Uıymdasqan qylmystyq top Amazon-nan 83 mln dollardan astam somaǵa taýar urlaǵan
ASTANA. KAZINFORM – AQSh-ta uıymdasqan qylmystyq top múshelerine Amazon saıtynan 83 mln dollardan astam somaǵa taýar urlady degen aıyp taǵyldy, dep habarlaıdy NBC News.
Ádilet mınıstrliginiń málimetinshe, qylmyskerler bul shemany Kalıfornııada 2021 jyldan beri qoldanyp kelgen. Olar ózderin júk kóliginiń júrgizýshisi retinde kórsetip, taýarlardy óndirýshilerdiń Amazon-ǵa arnalǵan qoımalarynan tasymaldady.
Ádilet departamentiniń málimdeýinshe, alaıaqtar Amazon Relay qosymshasy arqyly júk tasymaldaý baǵyttaryn alǵan tórt kompanııa – AK Transportation, NBA Holdings, Belman Transport jáne Markos Transportation-dy basqarǵan.
Ádilet mınıstrliginiń sheneýnikteri aıyptalýshylardy adam óltirýge oqtalý, adam urlaý, atys qarýyn zańsyz saqtaý jáne densaýlyq saqtaý salasyndaǵy alaıaqtyq sııaqty basqa da boljamdy qylmystarmen baılanystyrdy. 13 aıyptalýshynyń Los-Andjelestegi AQSh okrýgtik sotynda jáne bireýi Florıda shtatyndaǵy Fort-Loderdeıl sotynda jaýap beredi dep kútilip otyr.
Buǵan deıin Amazon 20 jylda alǵash ret kompanııa logotıpin ózgertkenin jazǵan bolatynbyz.