Úsharalda 60 otbasy baspanaly boldy

Jetisý oblysy Alakól aýdanynda kezekte turǵan 60 otbasy jańa jyldy jańa páterde qarsy aldy. Úsharal qalasynda mereke qarsańynda bes qabatty turǵyn úı paıdalanýǵa berildi, dep habarlaıdy Kazinform oblys ákimdiginiń baspasóz qyzmetine silteme jasap. 

Oblys ákimi Almas Ábdınov turǵyndardy qonys toımen jáne jańa jylmen quttyqtady. Ol sondaı-aq turǵyndardy baspanamen qamtamasyz etý – memlekettiń áleýmettik saıasatynyń basty baǵyttarynyń biri ekenin, osyǵan oraı óńirde qajetti sharalar qolǵa alynyp jatqanyn tilge tıek etti. 

– 2023 jyldyń basynda Alakóldegi 40 otbasy baspanaly bolsa, qazir taǵy 60 otbasy qonys toıyn toılap jatyr. Bul óńirdegi eleýli oqıǵa, - dep atap ótken ákim baspanaly bolǵan qýanysh ıelerine kópten kútken páterdiń kiltin tabys etti. 

Aıtpaqshy, Alakól aýdanynda 1 646 adam baspana kezeginde tursa, endi olardyń sany 60 otbasyǵa azaıdy. Bes qabatty ǵımaratta bir jáne eki bólmeli 15, úsh bólmeli 30 páter bar.