4 mamyr. Kazinform kúntizbesi. Tulǵalar týǵan kún

ESІMDER

61 jyl buryn (1965) Qazaqstan Respýblıkasy Premer-Mınıstriniń keńesshisi Nurlan Telmanuly URANHAEV dúnıege keldi.

Shyǵys Qazaqstan oblysynyń Semeı qalasynda dúnıege kelgen. V. I. Lenın atyndaǵy Qazaq polıtehnıkalyq ınstıtýtyn (1987) mehanıka mamandyǵy boıynsha, Qazaq qarjy-ekonomıka ınstıtýtyn (2001) ekonomıst-menedjer mamandyǵy boıynsha jáne Shyǵys Qazaqstan memlekettik tehnıkalyq ýnıversıtetin (2006) qurylys ınjeneri mamandyǵy boıynsha bitirgen. Saıasattaný ǵylymdarynyń doktory jáne saıası ǵylymdar doktory dárejesine ıe.

Eńbek joly: «Qazpromtehmontaj» tresiniń Semeı qurastyrý bóliminde slesar, brıgadır, ýchaske brıgadıri (1987-1990); «Zerger» ónerkásiptik-qarjy korporatsııasynyń dırektory, bas dırektory, prezıdenti (1990-1995); «Aqqus» AQ prezıdenti (1995); «Sary-Arqa» AQ senimgeri (1995-1997); «Suńqar» JShS prezıdenti (1997-2001); «Kazırkýtskles» AQ birlesken kásipornynyń bas dırektory (2001-2003); Shyǵys Qazaqstan oblysynyń Energetıka, turǵyn úı-kommýnaldyq sharýashylyq jáne kólik departamentiniń basshysy (2003); Shyǵys Qazaqstan oblysynyń Energetıka, turǵyn úı-kommýnaldyq sharýashylyq, qurylys jáne kólik departamentiniń basshysy (2004-2005); Shyǵys Qazaqstan oblysynyń Sáýlet, qala qurylysy jáne qurylys departamentiniń kúrdeli qurylys bóliminiń basshysy (2005); Shyǵys Qazaqstan oblysynyń Sáýlet, qala qurylysy jáne qurylys departamentiniń kúrdeli qurylys departamentiniń basshysy — dırektorynyń orynbasary (2005-2006); Shyǵys Qazaqstan oblysy ákiminiń orynbasary (2006-2007); Qazaqstan Respýblıkasy Tótenshe jaǵdaılar mınıstrliginiń Memlekettik materıaldyq rezervter komıteti tóraǵasynyń orynbasary (2007-2008); Qazaqstan Respýblıkasy Premer-Mınıstri Keńsesiniń Indýstrııalyq-ınnovatsııalyq damý bólimi meńgerýshisiniń orynbasary (2008-2009); Qazaqstan Respýblıkasy Prezıdenti Ákimshiliginiń memlekettik ınspektory (2009); «Ertis» ÁKK UK» AQ basqarma tóraǵasynyń orynbasary (2009-2010); Qyzylorda oblysy ákiminiń orynbasary (2010-2013); Qazaqstan Respýblıkasy Tutynýshylardyń quqyqtaryn qorǵaý agenttigi tóraǵasynyń orynbasary (2014-2015); «QazQSǴZI» AQ bas dırektory (2015-2017); Almaty qalasynyń Sáýlet jáne qala qurylysy departamentiniń basshysy (2017-2018); Astana qalasynyń Sáýlet, qala qurylysy jáne jer qatynastary departamentiniń basshysy (2019-2022); Abaı aýdanynyń ákimi (2022-2025).

2025 jyldyń mamyr aıynan bastap qazirgi qyzmetinde.

Ol «Qurmet» (2011) jáne «Parasat» (2016) ordenderimen marapattalǵan.

56 jyl buryn (1970) skrıpkashy, QR eńbek sińirgen qaıratkeri, Nıý-Iorktegi djaz qaýymdastyǵynyń múshesi Jámıla SERKEBAEVA dúnıege keldi.

K.Baıseıitova atyndaǵy Respýblıkalyq kolledjdi, Qurmanǵazy atyndaǵy Almaty memlekettik konservatorııasyn támamdady.

AQSh, Frantsııa, Ispanııa, Belgııa, Vengrııa, Rýmynııa, Monako, Sıngapýr, TMD elderinde gastroldik saparmen bolǵan.

Qazir Almaty qalasy ákiminiń jáne QR Qorǵanys mınıstrliginiń «Jazz Band» kontserttik orkestriniń solısi.

50 jyl buryn (1976) Qazaqstan Respýblıkasy Ulttyq banki tóraǵasynyń orynbasary Álııa Meıirbekqyzy MOLDABEKOVA dúnıege keldi.

Almaty qalasynda týǵan. 1999 jyly Ál-Farabı atyndaǵy Qazaq memlekettik ulttyq ýnıversıtetin aıaqtap, fızıka-matematıka ǵylymdarynyń kandıdaty dárejesin aldy.

Eńbek jolyn 1999 jyly ál-Farabı atyndaǵy Qazaq memlekettik ulttyq ýnıversıtetinde EEM-di matematıkalyq jabdyqtaý jáne matematıkalyq kıbernetıka kafedrasynyń assıstenti retinde bastady. 2001-2003 jyldary QR Ulttyq bankiniń monetarlyq operatsııalar departamenti portfelderdi jáne qarjy naryqtaryn taldaý basqarmasynyń jetekshi taldaýshysy, sondaı aq portfelderdi jáne qarjy naryqtaryn taldaý basqarmasynyń bas taldaýshysy retinde jumys istedi. 2003-2012 jyldary QR Ulttyq bankiniń monetarlyq operatsııalar departamenti taldaý jáne táýekelder basqarmasynyń bas taldaýshysy, dılıng operatsııalary basqarmasynyń bas dıleri, taldaý jáne táýekelder basqarmasynyń bastyǵy retinde qyzmetin jalǵastyrdy. 2012-2015 jyldary QR Ulttyq bankiniń monetarlyq operatsııalar departamenti (monetarlyq operatsııalar jáne aktıvterdi basqarý departamenti) dırektorynyń orynbasary laýazymyn atqardy. 2015 jylǵy qazanda Monetarlyq operatsııalar jáne aktıvterdi basqarý departamentiniń dırektory, al 2016 jylǵy aqpannan bastap QR Ulttyq banki qurylymynyń ózgerýine baılanysty QR Ulttyq banki monetarlyq operatsııalar departamentiniń dırektory bolyp taǵaıyndaldy.

2019 jyldyń jeltoqsan aıynan bastap qazirgi qyzmetinde.

49 jyl buryn (1977) QR Parlament Májilisi apparaty basshysynyń orynbasary Indıra Beısembekqyzy MAMAShEVA dúnıege keldi.

Almaty qalasynda týǵan. Ál-Farabı atyndaǵy Qazaq ulttyq ýnıversıtetin, L. N. Gýmılev atyndaǵy Eýrazııa ulttyq ýnıversıtetin bitirgen.

Eńbek joly: 1998 jyly «Interlıýks» Qazaqstan-Japon kásipornynyń menedjeri, 1998-1999 jyldary QR Investıtsııalar jónindegi agenttigi «Qazınvest» RMK menedjeri, 1999-2002 jyldary «QazInvestKonsalt» JShS-nyń aǵa menedjeri, 2003-2009 jyldary QR Parlamenti Májilisi Apparaty Aqparattyq-taldaý bóliminiń bas sarapshysy, bas konsýltanty qyzmetinde boldy. 2009-2016 jyldary QR Parlamenti Májilisi Apparaty Aqparattyq-taldaý bóliminiń meńgerýshisi, QR Mádenıet jáne aqparat mınıstrliginiń Taldaý jáne strategııalyq josparlaý departamenti dırektorynyń orynbasary, QR Bilim jáne ǵylym mınıstrliginiń Halyqaralyq baǵdarlamalar ortalyǵynyń vıtse-prezıdenti, 2017 jyly Saıası taldaý jáne strategııalyq zertteýler ortalyǵy dırektorynyń orynbasary boldy. 2017-2019 jyldary «Nur Otan» partııasynyń QR Parlamentiniń Májilisindegi fraktsııasy apparatynyń basshysy, 2019-2022 jyldary Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵynyń basqarma tóraǵasynyń orynbasary laýazymyn atqarǵan.

2022 jyldyń aqpan aıynan bastap qazirgi qyzmetinde.

«Eren eńbegi úshin» medalimen jáne «Qazaqstan Respýblıkasynyń táýelsizdigine 20 jyl» medaldarymen marapattalǵan.

44 jyl buryn (1982) QR Bas prokýratýrasynyń Quqyqtyq statıstıka jáne arnaıy esepke alý komıtetiniń Qostanaı oblysy boıynsha departamentiniń bastyǵy Rınat Ábilqasymuly KÁRІMOV dúnıege keldi.

Qostanaı oblysynyń týmasy. Qostanaı áleýmettik akademııasyn quqyqtaný mamandyǵy boıynsha bitirgen.

Prokýratýra organdaryndaǵy eńbek jolyn 2004 jyly Qarabalyq aýdany prokýrorynyń kómekshisi qyzmetinen bastady. 2011-2012 jyldary Qostanaı oblysy prokýratýrasy Áleýmettik-ekonomıkalyq saladaǵy zańdylyqty qadaǵalaý basqarmasy bastyǵynyń orynbasary, 2012-2015 jyldary Áýlıekól aýdany prokýrorynyń orynbasary, 2017-2019 jyldary Qostanaı oblysy prokýratýrasy Apparatynyń basshysy, 2019-2022 jyldary Qostanaı aýdanynyń prokýrory laýazymyn atqarǵan.

2025 jyldyń tamyz aıynan bastap qazirgi qyzmetinde.

«Minsiz qyzmeti úshin» ІІ, ІІІ dárejeli medaldarimen, «QR prokýratýrasyna 20 jyl» medalimen, «Prokýratýra úzdigi» ІІ dárejeli tósbelgimen marapattalǵan.

92 jyl buryn (1934-1986) qazaq jazýshysy, belgili satırık Ospanhan ÁÝBÁKІROV dúnıege kelgen.

Almaty oblysynyń Jambyl aýdanyndaǵy Úshbulaq aýylynda týǵan. Qurmanǵazy atyndaǵy Qazaq memlekettik konservatorııasynyń teatr fakýltetin támamdaǵan.

Mamandyǵy akter bolǵanymen, óziniń shyǵarmashylyq muratyn satıradan tapqan. Ol respýblıkalyq gazetterde, «Ara» jýrnalynda qyzmet istegen. Satıralyq janrmen birge, balalarǵa arnalǵan óleń-jyr, ertegi, pesa, belgili kompozıtorlardyń ánderine mátin jazýmen, aýdarmamen de aınalysqan. Ázız Nesınniń «Ahıretten kelgen hattary», Branıslav Nýshıchtiń «Meniń ómirbaıanym», Lao Sheniń «Mysyqtar qalasyn», E.Rapkeniń «Mıýnhaýzenniń hıkaıalaryn» qazaq oqyrmandaryna usynǵan.

1983 jyly balalarǵa arnalǵan «Qaǵaz qalpaq» satıralyq jınaǵy úshin Qazaqstan Jazýshylar odaǵynyń syılyǵy berildi.

89 jyl buryn (1937-2016) Qazaqstannnyń Eńbek Eri Gennadıı Ivanovıch ZENChENKO dúnıege keldi.

Soltústik Qazaqstan oblysynyń Shal aqyn aýdanynda týǵan. Petropavl aýyl sharýashylyǵyn mehanıkalandyrý tehnıkýmyn bitirdi. 1973 jyly Petropavl pedagogıkalyq ınstıtýtyn syrttan oqyp aıaqtady.

1962-1973 jyldary «Lenın» keńsharynda elektr slesary, munaı bazasynyń meńgerýshisi, mehanızator mashına-traktor sheberhanasynyń meńgerýshisi, bas ınjeneri, Sovet aýdandyq «Qazselhoztehnıka» birlestiginiń basqarýshysy boldy, 1973 jyly Sovet aýdandyq atqarý komıteti tóraǵasynyń orynbasary bolyp saılandy. 1976 jyldan — «Novonıkolskıı» keńsharynyń dırektory. Sharýashylyq eki ret qaıta qurylyp, 1992 jyly «Novonıkolskoe» aýyl sharýashylyǵy qaýymdastyǵy, 1997 jyly «Zenchenko jáne kompanııa» komandıttik seriktestigine aınaldy, osy sharýashylyqta G. I. Zenchenko bas dırektory bolyp qyzmet etken.

2008 jyly oǵan Qazaqstannyń Eńbek Eri ataǵy berildi, eki ret «Otan» ordenimen, Eńbek Qyzyl tý ordenimen jáne kóptegen medaldarmen marapattalǵan.