Ýsha Vens bastaǵan AQSh delegatsııasy Grenlandııaǵa barady

ASTANA. KAZINFORM – AQSh prezıdenti Donald Tramptyń araldy anneksııalaý josparlary týraly málimdemesine baılanysty osy aptada AQSh-tyń joǵary deńgeıdegi delegatsııasy Grenlandııaǵa «araldyń dástúrlerimen tanysý úshin» barady. Bul týraly Reuters agenttigi habarlady.

Delegatsııany AQSh vıtse-prezıdenti Djeı Dı Venstiń áıeli Ýsha Vens basqarady. Delegatsııa quramynda Aq úıdiń ulttyq qaýipsizdik jónindegi keńesshisi Maık Ýolts pen energetıka mınıstri Krıs Raıt bolady.

Vals pen Raıt Grenlandııadaǵy AQSh áskerı bazasy – Pıtýffık ǵarysh bazasyna barýdy josparlap otyr.

Sodan keıin olar Ýsha Venske qosylyp, tarıhı oryndarǵa barady jáne «shanaǵa jegilgen ıtter» ulttyq jarystaryna qatysady.

Eske salaıyq, Tramp prezıdenttik qyzmetine kiriskennen keıin Grenlandııany AQSh-qa qosý nıeti týraly málimdegen bolatyn. Alaıda araldyń da, Danııanyń da úkimetteri Amerıka prezıdentiniń ıdeıasyna qarsy shyqty.

Aıta keteıik, Danııa basshylary Donald Tramptyń komandasyna Kopengagenniń qaýipsizdigin arttyrý úshin AQSh-tyń avtonomııalyq aralda áskerı ornalasýyna ruqsat berýge daıyn ekendigi týraly jeke habarlama joldaǵan bolatyn.

AQSh Kongresinde Grenlandııany satyp alý týraly zań jobasy usynyldy.

Danııa premer-mınıstri EO basshylarymen Grenlandııa jaǵdaıyn talqylady.