Úsh oblysta shekteý engizilgen joldar ashylady
ASTANA. KAZINFORM – «QazAvtoJol» mekemesi búgin elimizdiń úsh oblysynda kún raıyna baılanysty shekteý engizilgen joldardyń ashylatynyn málim etti.
-23 qańtar saǵat 10:00-de respýblıkalyq mańyzy bar avtojoldarda kóliktiń barlyq túrleri úshin qozǵalys ashylady,-delingen habarlamada.
Qostanaı oblysy: - «Qostanaı – Áýlıekól – Surǵan» avtojolynyń 8-232 shaqyrym aralyǵy (Tobyl qalasy – Aqmola oblysynyń shekarasy);
- «Astana – Atbasar – Jaqsy – Rýzaevka – Sarykól – Qostanaı (aınalma joly) – RF shekarasy (Qaıraq ótkizý pýnkti)» avtojolynyń 555-729 shaqyrym aralyǵy (Tobyl qalasy – SQO shekarasy);
- «Astana – Atbasar – Jaqsy – Rýzaevka – Sarykól – Qostanaı (aınalma joly) – RF shekarasy (Qaıraq ótkizý pýnkti)» avtojolynyń 539-418 shaqyrym aralyǵy (Qostanaı qalasy – Qarabalyq aýyly);
- «Jezqazǵan – Arqalyq – Petropavl» avtojolynyń 340-377 shaqyrym aralyǵy (Arqalyq qalasy – Aqmola oblysynyń shekarasy);
- «Mamlıýtka – Qostanaı» avtojolynyń 403-180 shaqyrym aralyǵy (Tobyl qalasy – SQO shekarasy);
- «Qostanaı – Rýdnyı – Denısovka – Komsomolskoe – Qarabutaq» avtojolynyń 234-501 shaqyrym aralyǵy (Aqtóbe oblysy shekarasy – Rýdnyı qalasy).
Pavlodar oblysy:- «Astana – Shiderti – Pavlodar – Ýspenka – RF shekarasy» avtojolynyń 200-254 shaqyrym aralyǵy (Aqmola oblysynyń shekarasynan Shiderti aýylyna deıin).
Aqtóbe oblysy:- «Qostanaı – Rýdnyı – Denısovka – Komsomolskoe – Qarabutaq» avtojolynyń 5-234 shaqyrym aralyǵy (Qarabutyq eldi mekeni – Qostanaı oblysynyń shekarasy).
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Osyǵan deıin 23 qańtarda respýblıka boıynsha qaı joldar jabyq ekeni týraly aqparat tarattyq.
