US Open: Aleksandr Býblık álemniń 1-raketkasynan utylyp qaldy

ASTANA. KAZINFORM — Qazaqstannyń birinshi, álemniń 24-raketkasy Aleksandr Býblık AQSh ashyq chempıonatynyń shırek fınalyna shyǵa almady.

Qazaqstandyq tennısshi tórtinshi aınalymda álemniń 1-raketkasy, ıtalııalyq ıAnnık Sınnerge tap boldy.

Qarsylastar osyǵan deıin alty ret kezdesip, sonyń tórteýinde Sınner jeńgen edi. Bıyl Rolan Garros týrnıriniń shırek fınalynda ıtalııalyq sportshy 6:1, 7:5, 6:0 esebimen basym tússe, jarty aıdan keıin Býblık Germanııadaǵy Galle jarysynda qarymta qaıtarǵan – 3:6, 6:3, 6:4.

Bul joly oıyn ıA.Sınnerdiń aıqyn basymdylyǵymen aıaqtaldy – 6:1, 6:1, 6:1.

Bir saǵat 21 mınýtqa sozylǵan básekede ıtalııalyq tennısshi 8 eıspen birge 17 breık-poınttyń segizin óz esebine jazdy. Býblık 2 eıspen shekteldi.

Sporttyq jolynda AQSh birinshiliginiń alǵash ret tórtinshi aınalymyna shyqqan A.Býblık qazirgi kezde ATP Live reıtıngisinde 19-orynǵa kóterilip tur.

Qazaqstannyń juptyq syndaǵy birinshi raketkasy Anna Danılına da shırek fınaldan tys qaldy. Ol serbııalyq Aleksandra Krýnıchpen birge úshinshi aınalymda dodanyń 7-raketkalary, amerıkalyq Aısha Mýhammad – nıderlandylyq Demı Shýrsqa jol berdi – 2:6, 6:4, 4:6.

Eske sala keteıik, budan buryn AQSh ashyq chempıonatynda Zańǵar Nurlanulynyń jasóspirimder arasynda týrnırdi sátti bastaǵanyn jazǵan edik.