Ýnıversıtet bazasynda ósimdik maıy óndiriledi
ASTANA. QazAqparat - S. Seıfýllın atyndaǵy Qazaq agrotehnıkalyq ýnıversıtetinde ósimdik maıy jáne janama ónimderin óndiretin oqý tehnologııalyq platforma iske qosyldy. Bul týraly atalǵan ýnıverstet rektory Aqylbek Kúrishbaev óziniń Feısbýk paraqshasynda jazdy, dep habarlaıdy QazAqparat.
«Ýnıversıtet qabyrǵasynda taǵy bir ósimdik maıy jáne basqada janama ónimder óndiretin oqý tehnologııalyq platforma ashyldy. Endigi ýaqytta bul jerde stýdentter tájirıbe jınaqtasa, al ǵalymdar onyń bazasynda ózderiniń ǵylymı ázirlemelerin quratyn bolady», - dep jazdy JOO basshysy.
Jańadan ashylǵan platforma Kalıfornııanyń UC Davis ýnıversıteti professorlary usynǵan prıntsıp pen dızaınǵa sáıkes quryldy.
«Biz úshin taǵy bir mańyzdysy, ýnıversıtet qyzmetkerleri ósimdik maıyn óz baǵasyna satyp ala alady. Aldaǵy ýaqytta ózimizde halva shyǵaratyn bolamyz», - deıdi A.Kúrishbaev.
