Úndistannyń shyǵysynda jer silkindi

ASTANA. KAZINFORM — Úndistannyń shyǵysyndaǵy Assam shtatynda 5,4 baldyq jer silkinisi tirkeldi. Bul týraly Report agenittigi habarlady.

Jer silkinisiniń oshaǵy 900 myńǵa jýyq turǵyny bar Gývahatı qalasynan soltústik-shyǵysqa qaraı 76 shaqyrym jerde tirkelgen. Jerasty dúmpýleri 10 shaqyrym tereńdikte ornalasqan.

Ázirge qıraý jáne zardap shekkender týraly aqparat joq. 

Aıta keteıik, Meksıkadaǵy 6,5 baldyq jer silkinisi prezıdent baspasóz máslıhatyn toqtatty. Jer silkinisi juma kúni tańerteń Meksıkanyń Gerrero shtatynda bolyp, Sheınbaýmnyń bıylǵy jylǵy alǵashqy baspasóz konferentsııasyn úzip jiberdi.

Bul joıqyn jer silkinisinen keminde eki adam qaza tapty. Mert bolǵandar egde jastaǵy adamdar.