Túrkııada asa aýqatty adamdar sany bes jylda eki esege artqan
ASTANA. KAZINFORM — Sońǵy bes jylda Túrkııada baılyǵy 30 mıllıon dollardan asatyn adamdar sany 93,5%-ǵa ósip, 4 208 adamǵa jetti. Bul týraly Ekonomim basylymy halyqaralyq ál-aýqat jónindegi esepke silteme jasap, 24kg jazdy.
Boljam boıynsha, 2031 jylǵa qaraı eldegi asa aýqatty azamattar sany taǵy 13%-ǵa artyp, 4 772 adamǵa jetedi. Sonymen qatar mıllıarderler sany da kóbeımek: qazirgi 35 adamnan 46 adamǵa deıin, ıaǵnı 31%-ǵa ósedi dep kútiledi.
Jalpy álem boıynsha osy kezeńde 30 mıllıon dollardan astam baılyǵy bar adamdar sany 551 435-ten 713 626 adamǵa deıin ósip, 29%-ǵa artqan. Negizgi ósim AQSh-ta tirkelse, odan keıin Qytaı keledi.
Túrkııa aýqatty adamdar sany eń jyldam ósip jatqan elderdiń qataryna endi. Degenmen sarapshylar bul úrdis joǵary ınflıatsııa men áleýmettik teńsizdiktiń kúsheıýi aıasynda júrip jatqanyn atap ótedi.
Aıta keteıik, Túrkııa 2026–2035 jyldar aralyǵyn «Otbasy jáne demografııa onjyldyǵy» dep jarııalady.
