Bortynda 240 adam bolǵan Air India ushaǵy apatqa ushyrady
ASTANA. KAZINFORM – Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady, dep habarlaıdy The Times Of India.
Londonǵa bet alǵan áýe kemesi Meghanı aýdanynda qulaǵan. Oqıǵa ornyn qoıý qara tútin basyp, jedel qutqarý qyzmeti iske qosyldy.
Aldyn ala málimet boıynsha, shamamen 300 jolaýshyǵa arnalǵan Boeing 787 Dreamliner bortynda ekıpaj múshelerin qosqanda 240-tan astam adam bolǵan. Reıs uzaq qashyqtyqqa ushý úshin aıtarlyqtaı janarmaı quıylǵan. Bul jarylys pen apattan keıingi órtti kúsheıtti.
Oqıǵa ornyna órt sóndirý qyzmeti men qutqarý jumystaryn júrgizý úshin jedel járdem vagondary jiberildi. Ázirge jábirlenýshiler týraly resmı aqparat joq.
Úndistannyń Azamattyq avıatsııa Bas basqarmasy (DGCA) Boeing kompanııasynyń tehnıkalyq komıssııasy qatysýymen tergeýdi bastaıdy dep josparlanǵan.
- Úndistannyń ishki ister mınıstri Amıt Shah bolǵan jaǵdaıǵa baılanysty Gýdjarat shtatynyń Bas mınıstri Bhýpendra Patelmen, shtattyń ishki ister mınıstri Harsh Sanghavımen jáne Ahmedabad polıtsııasynyń komıssarymen kelissózder júrgizdi. Ol Ortalyq Úkimet memleketke apattyń saldaryn joıýǵa jáne tergeý júrgizýge barlyq qajetti kómekti kórsetedi dep sendirdi, - delingen maqalada.
#BREAKING | Air India Ahmedabad-London flight crashes near airport in Gujarat's Meghani area
— The Times Of India (@timesofindia) June 12, 2025
More details awaited 🔗https://t.co/h1DrVJXaWq pic.twitter.com/MiuFVuB4AC
— Ahmedabad-London Gatvık baǵytyndaǵy AI171 reısi búgin, 2025 jyldyń 12 maýsymynda tótenshe jaǵdaıǵa tap boldy. Qazir biz oqıǵanyń mán-jaıyn naqtylap jatyrmyz, - dedi Air India áýekompanııasy óziniń alǵashqy túsiniktemesinde.
Tennessıde bortynda 20 adam bolǵan ushaq apatqa ushyraǵanyn jazǵan bolatynbyz.