Úndistan barlyq smartfondarǵa memlekettik qosymsha ornatýdy mindettedi

ASTANA.KAZINFORM - Úndistan barlyq jańa smartfondarǵa úkimettik kıberqaýipsizdik qosymshasyn aldyn ala ornatýdy mindettedi, bul óz kezeginde qupııalylyqqa qatysty alańdaýshylyq týdyrady, dep habarlaıdy BBC.

Úkimet buıryǵyna sáıkes, smartfon óndirýshiler úkimettik qosymshany barlyq jańa qurylǵylarǵa ornatý úshin 90 kún qajet.

Qujatta bul talaptyń azamattarǵa uıaly telefonnyń jalǵan emes ekenin anyqtaýǵa jáne telekommýnıkatsııalyq resýrstardy zańsyz paıdalaný derekteri týraly habar berý úshin qajet ekeni aıtylǵan qujatta. 

Qosymsha paıdalanýshylarǵa qurylǵylardyń IMEI-in tekserýge, joǵalǵan nemese urlanǵan telefondar týraly habarlaýǵa jáne kúdikti, alaıaqtyq habarlamalardy belgileýge múmkindik beredi.

-Úndistanda paıdalanylǵan mobıldi qurylǵylar satylymy keń taraǵan. Urlanǵan nemese qara tizimge engizilgen qurylǵylardy qaıta satý jaǵdaılary da jıi kezdesedi, - delingen Úndistannyń Telekommýnıkatsııa departamentiniń málimdemesinde. 

Jańa erejelerge sáıkes, aldyn ala ornatylǵan qosymshalar paıdalanýshylarǵa «ońaı kórinetin jáne qoljetimdi» bolýy kerek jáne olardyń fýnktsııalaryn óshirýge nemese shekteýge bolmaıdy.

Barlyq kompanııalarǵa 120 kún ishinde sáıkestik týraly esepterdi usyný usynyldy.

Álemdegi eń iri telefon naryqtarynyń birinde, 1,2 mıllıardtan astam mobıldi paıdalanýshysy bar bul qadam kıbersarapshylardyń synyna ushyrady, olar bul azamattardyń qupııalylyq quqyqtaryn buzady dep esepteıdi.

-Qarapaıym tilmen aıtqanda, bul Úndistanda satylatyn árbir smartfondy paıdalanýshylar bas tarta almaıtyn, basqara almaıtyn nemese joıa almaıtyn mindetti úkimettik baǵdarlamalyq jasaqtama qoımasyna aınaldyrady, - delingen Internet erkindigi qory málimdemesinde.

Olar qoldanbalardy óshirý múmkindiginiń joqtyǵy bir qoldanbanyń ekinshisiniń derekterine kirýine kedergi keltiretin, qorǵanys sharalaryn da álsiretetinin málimdedi.

Osyǵan deıin elge zańsyz jolmen ákelingen smartfondar buǵattalatyny týraly jazdyq.