QPL: «Oqjetpes» týrnır kestesinde úshinshi orynǵa kóterildi
ASTANA. KAZINFORM - Bul týrdaǵy oıyndar 2 jáne 3 mamyr kúnderine belgilengen.
Bul týrdaǵy alǵashqy kezdesýde «Qyzyljar» (Petropavl) - «Oqjetpes» (Kókshetaý) klýbtary kezdesti.
Komandalar bıylǵy birinshilikti sátti bastady. jeti týrdan keıin joǵary oryndarǵa jaıǵasty. Sondyqtan jankúıerler bul kezdesýge erekshe qyzyǵýshylyq bildirdi.
Kezdesý barysynda qos komanda tartysty oıyn ótkizdi. Dese birinshi kezeńde bir-biriniń qaqpasynan sańylaý taba alǵan joq.
Oıynnyń 81-mınýtynda «Oqjetpes» sapynan Ábınur Nurymbet soqqan gol kezdesý taǵdyryn sheshti. Osylaısha kókshetaýlyq klýb qarsylasynan 1:0 esebimen basym túsip, týrnır kestesinde 15 upaımen úshinshi orynǵa kóterildi.
Endi búgin 2 mamyrda eki oıyn ótkizilse, 3 mamyrǵa bes oıyn belgilengen.
Premer-Lıga, VIІІ týr oıyndary:
2 mamyr
17:00. «Ertis» (Pavlodar) - «Qaırat» (Almaty)
19:00. «Qaısar» (Qyzylorda) - «Jetisý» (Taldyqorǵan)
3 mamyr
15:00. «Ulytaý» (Jezqazǵan) - «Elimaı» (Semeı)
19:00. «Kaspıı» (Aqtaý) - «Astana»
17:00. «Atyraý» - «Altaı» (Óskemen)
18:00. «Jeńis» (Astana) - «Tobyl» (Qostanaı)
20:00. «Ordabasy» (Shymkent) - «Aqtóbe».
Dál qazir týrnır kestesinde 17 upaımen almatylyq «Qaırat» komandasy kósh bastap keledi.
Eske salsaq, budan buryn fýtboldan Birinshi lıgada «Shahter» kósh basyna shyqty.
