ULY OTAN SOǴYSYNYŃ BATYRLARY: Ibraev Áıtkesh
Ibraev Áıtkesh Abaıuly 1924 jyly Semeı oblysy Jańa Semeı aýdany Qyzylquıǵan aýylynda dúnıege kelgen.
1941 jyly Semeı qarjy tehnıkýmyna túsip, qyrkúıek aıynda semıa jaǵdaıyna baılanysty oqýyn úzip, kolhozda esepshi bolyp jumys isteıdi.
1942 jyly 22 qyrkúıekte 18 jasar Áıtkeshti ásker qataryna shaqyrady. Ol Kalının, Brıansk, Belorýs maıdanyndaǵy shaıqastarǵa qatysty. Uly Otan soǵysynyń áskerı qımyldaryna qatysqany úshin eki Qyzyl Juldyz, Otan soǵysynyń I-II dárejeli ordenderimen marapattaldy.
1944 jyly 6 shildede Mogılevsk oblysy, Chervınsk aýdanyndaǵy shaıqasta onyń vzvody 192 nemisti óltirip, 19 avtomashınasyn órtedi, 6 tankke qarsy pýshkalaryn, 12 pýlemet núktesin joıdy, jeke ózi 8 nemis soldatyn qurban etti.
Osy erligi úshin Áıtkesh Abaıuly Ibraevqa 1945 jyly 24 naýryzda Keńes Odaǵynyń Batyry ataǵy jáne Lenın, Altyn Juldyz medali berildi.
1944 jyly 20 shildede Belostok oblysy Grododensk aýdanyndaǵy Nıjnıe Pogorany aımaǵynda ótken shaıqasta erlikpen qaza boldy.
Batyrdyń týǵan jerinde eskertkish ornatylǵan.
