Úlken Almaty kanalyn jańǵyrtý qashan aıaqtalady

ALMATY. KAZINFORM — Almatyda Úlken Almaty kanalyn qaıta jańǵyrtý jumystary qazan aıynda aıaqtalýǵa tıis. Alaıda qala ákimi Darhan Satybaldy nysandy jaz mezgilinde sý jiberip tekserý úshin jumysty jedeldetýdi tapsyrdy. 

Almaty ákimdiginiń málimetinshe, uzyndyǵy 23,1 shaqyrym ýchaskede qazir aýqymdy jumystar júrip jatyr. Atap aıtqanda, kanaldyń túbi betonmen qaptalyp, arnasy tazartylyp jáne gıdrotehnıkalyq qurylystar jóndelip jatyr. Sonymen qatar aýmaqty abattandyrý qatar júrgizilip, kespetas tóseý, jaryqtandyrý ornatý jáne kógaldandyrý boıynsha sheshimder qabyldanǵan.

Qala ákim merdigerlerge jumysty belgilengen merzimnen keshiktirmeýdi eskertti. Onyń sózinshe, jazda sý jiberilip, nysannyń sapasy tekserilmeıinshe, joba qabyldanbaıdy.

Aıta keteıik, Úlken Almaty kanaly 1980 jyldardyń basynda paıdalanýǵa berilgen. 2025 jyly jazda bastalǵan qaıta jańǵyrtý jumysynyń quny 12,4 mlrd teńge dep baǵalanǵan. Merdiger — Saıran men Úlken Almaty kóli jobalarymen aınalysqan kompanııa, bul jumystar keshiktirilip aıaqtalǵan.

Eske salaıyq, buǵan deıin Almatynyń ekologııa jáne qorshaǵan orta basqarmasy Dinmuhamed Qonaev atyndaǵy Úlken Almaty kanalyndaǵy jóndeý jumystaryn jalǵastyrý úshin qosymsha 400 mln teńge bólýdi suraǵan edi.