Balqash kóli jaǵalaýynda zańsyz berilgen jer ýchaskeleri memleket menshigine qaıtaryldy
ASTANA. KAZINFORM - Tekserý barysynda Balqash kóline jaqyn ornalasqan sý qorǵaý aımaǵynda jalpy aýdany 12 gektardy quraıtyn 24 jer ýchaskesiniń jer zańnamasy talaptaryn buza otyryp, kommertsııalyq maqsatta berilgeni anyqtaldy, dep habarlaıdy QR aýyl sharýashylyǵy mınıstrliginiń baspasóz qyzmeti.
Osyǵan baılanysty departament Sarqan aýdandyq sotyna Sarqan aýdany ákimdiginiń qaýlylaryn, sondaı-aq atalǵan jer ýchaskeleri boıynsha satyp alý-satý sharttaryn jaramsyz dep taný týraly talap qoıý aryzymen júgindi.
Sot departamenttiń talap qoıý aryzyn tolyq kólemde qanaǵattandyrdy, nátıjesinde Balqash kóli jaǵalaýynda ornalasqan jalpy aýdany 12 gektar bolatyn jer ýchaskeleri memleket menshigine qaıtaryldy.
Osyǵan deıin Almaty mańyndaǵy «Barys» avtobazary memleketke tolyq qaıtarylýy múmkin ekeni týraly jazdyq.
