Ulytaýda eki jasar balanyń bronhynan bógde zat alyndy

JEZQAZǴAN.KAZINFORM - Ulytaý oblysynyń kópbeıindi aýrýhanasynda bronhynan bógde zat anyqtalǵan eki jasar balaǵa ota jasaldy.

Operatsııa tynys alý joldary arqyly engiziletin arnaıy quraldyń kómegimen jasalady. Jaǵdaıdyń kúrdeliligi – patsıenttiń nebári eki jasta bolýynda.

Osy ýaqytta oblysta A.N.Syzǵanov atyndaǵy Ulttyq ǵylymı hırýrgııa ortalyǵynyń kóshpeli brıgadasy jumys istep jatqan. Brıgadanyń is -sapary aıaqtalýǵa jaqyndap, olar Sátbaev qalasynda bolatyn. Ulttyq ortalyqtyń mamandary kómek kórsetý týraly ótinishke talqysyz birden kelisim berdi.

Endoskopıst Májıt Ábdiqadyrov Jezqazǵan qalasynan týra ushar aldynda balanyń bronhynan bógde zatty alyp tastaıdy. Bul rette Jezqazǵan qalasynyń áýejaı ákimshiligi dárigerge reıske jarty saǵat qalǵanda tirkelýge jáne ushaqqa otyrýǵa múmkindik bergenin atap ótken jón.

Sonymen qatar, operatsııaǵa oblystyq kópbeıindi aýrýhananyń hırýrgtary Baýyrjan Eshjanov, Nurtilek Qulymjanov, Jezqazǵan qalasynyń medıtsınalyq ortalyǵynyń endoskopısti Álıjan Bekqulıev qatysty.

Qazirgi kezde balanyń jaǵdaıy jaqsy.