Ulytaý oblysynda terrorızmdi nasıhattaǵan turǵyn 5 jylǵa sottaldy

JEZQAZǴAN. KAZINFORM – Sátbaev qalalyq sotynda terrorızmdi nasıhattaǵan jergilikti turǵynǵa qatysty qylmystyq is qaraldy. Ol QR Qylmystyq kodeksiniń 256-baby 1-bóligi boıynsha kináli dep tanylyp, 5 jylǵa bas bostandyǵynan aıyryldy.

Sotta anyqtalǵandaı, sottalýshy aýyzsha ýaǵyzdar aıtyp, burmalanǵan dinı mátinderdi mysalǵa keltirip, qala turǵyndarynyń sanasyna áser etýge jáne olardy radıkaldy ıdeologııaǵa beıimdeýge tyrysqan.

- Memlekettik aıyptaýshy sot protsesinde dáleldemelerdi zertteýge belsendi qatysyp, aıyptaýdy tolyq qoldady, - dep jazdy Ulytaý oblystyq prokýratýradan.

Sot barlyq mán-jaıdy eskere otyryp, úkim shyǵardy.

Úkim zańdy kúshine endi.

Aıta keteıik, Ulytaý oblysynda 28 mln teńge bıýdjet qarjysyn jymqyrǵan býhgalterge úkim shyqty.