Eki altyn: Qazaqstan trıatlonnan Azııa kýbogynda tórt júlde jeńip aldy
ASTANA. KAZINFORM – Fılıppınniń Sýbık-Beı qalasynda trıatlonnan eresekter men jasóspirimder arasynda Azııa kýbogy ótti.
Ulttyq olımpıadalyq komıtettiń habarlaýynsha, Qazaqstan quramasy jarysty tórt medalmen aıaqtady.
Jasóspirimder básekesinde Ramazan Áınegov pen Alýa Nurmuhamet altyn júlde jeńip aldy. Al Valerııa Shneıder máre syzyǵyn ekinshi bolyp kesip, kúmis medalǵa ıe boldy.
Eresekter arasyndaǵy saıysta qazaqstandyq Daryn Qonysbaev kúmis júldeger atandy.
Eske sala keteıik, uǵan deıin jeńil atlet Ivan Ivanov Azııa chempıonatynda qola júldeger atanǵanyn jazǵan edik.
