Ulytaý oblysynda respırator shyǵaratyn zaýyt ashyldy
JEZQAZǴAN. KAZINFORM – Bul – keıingi úsh jylda óńirde júzege asyrylǵan 12-shi ınvestjoba. Quny – 800 mıllıon teńge. Kásiporynda jylyna 5 mıllıon jeke qorǵanys quraly shyǵarylady, sondaı-aq 40-qa jýyq azamat jumyspen qamtylady dep josparlanyp otyr. Jobany júzege asyrýshy – «Ulytau Industrial Company» JShS.
Zaýyttyń ashylý saltanatyna arnaıy qatysqan Ulytaý oblysynyń ákimi Dastan Ryspekov óńirdegi ekonomıkany ártaraptandyrý maqsatynda atqarylyp jatqan osyndaı jobalardyń mańyzyn atap ótti.
– Oblys ákimdigi ınvestıtsııalardy tartý jáne kásipkerlikti qoldaý jumystaryn basym mindet retinde qarastyrady. Biz ınvestorlarǵa qolaıly jaǵdaı jasaýǵa, tıisti kedergilerdi azaıtýǵa jáne óńirdiń ekonomıkalyq áleýetin arttyrýǵa baǵyttalǵan sharalardy jalǵastyra beremiz, - dedi óńir basshysy.
2025 jyly óńirde jalpy quny 138 mlrd. teńgege 17 ınvestıtsııalyq jobany iske asyrý josparlanyp otyr. Budan bólek, 2028 jylǵa deıin jalpy somasy 917 mlrd. teńgege 22 jobadan turatyn ınvestıtsııalyq pýl qalyptastyryldy. Bul bastama 2 myńnan astam jańa jumys ornyn ashýǵa múmkindik beredi.
– Qazirgi ýaqytta Ulytaý oblysynyń óndiris, kásiporyndaryn qamtamasyz etemiz. Kúzge qaraı qýattylyǵymyzdy arttyryp, Qazaqstan naryǵyna shyǵýdy josparlap otyrmyz. Ol ýaqytta ónimderimizdiń sany artyp, qyzmetkerler sany da kóbeıedi, - deıdi ınvestor Qalmurat Mádıshev.
Aıta keteıik, ekonomıkany ártaraptandyrý maqsatynda 2024 jyly Ulytaý oblysynda jalpy somasy 34 mlrd. teńgege 9 ınvestıtsııalyq joba iske qosyldy. Bul jobalar 200-den astam jańa jumys ornyn qurdy. Sonymen qatar byltyr negizgi kapıtalǵa 226,5 mlrd. teńge ınvestıtsııa tartyldy, onyń 89%-y jeke ınvestıtsııalardyń úlesine tıesili.