Ulytaý oblysynda 3 myńnan asa aǵash otyrǵyzyldy
JEZQAZǴAN. KAZINFORM — Búgin«Taza Qazaqstan» ekologııalyq aktsııasy aıasynda Ulytaý óńirinde jalpyoblystyq aǵash otyrǵyzý aktsııasy ótti.
Búgingi tazalyq sharasynda óńirdi kógaldandyrýǵa basymdyq berilip, «Búkilqazaqstandyq aǵash egý kúni» retinde uıymdastyryldy. Aktsııa barysynda oblys aýmaǵynda 3 000-nan asa aǵash kósheti otyrǵyzyldy. Bul bastama óńirdiń ekologııalyq jaǵdaıyn jaqsartýǵa, tabıǵatty qorǵaýǵa jáne jasyl jelekter sanyn arttyrýǵa baǵyttalǵan.
Kóshetterdi memlekettik organdar men mekemelerdiń ókilderi, máslıhat depýtattary, qoǵamdyq keńes músheleri, Qazaqstan halqy Assambleıasynyń ókilderi men jastar otyrǵyzdy. Nátıjesinde Jezqazǵan qalasy «Naýryz» saıabaǵyndaǵy alleıa jańa kóshettermen tolyqty.
Sondaı-aq oblysqa qarasty barlyq eldi mekende tal egý men tazalyq jumystary uıymdastyryldy. Aktsııaǵa 5500 adam men 1085 ujym qatysty.
Aıta keteıik, Memleket basshysynyń bastamasymen júzege asyp jatqan «Taza Qazaqstan» aktsııasy - ekologııalyq mádenıetti damytýdyń 2024–2029 jyldarǵa arnalǵan tujyrymdamasynyń bóligi.
Bastamanyń negizgi maqsaty – qoǵamnyń ekologııalyq mádenıetin arttyrý, tabıǵatqa uqypty qaraý ıdeıasyn keńinen nasıhattaý.
Uıymdastyrýshylar men qatysýshylar bul sharanyń qorshaǵan ortany qorǵaý mádenıetin qalyptastyrýda jáne jas urpaqqa ekologııalyq tárbıe berýde mańyzy zor ekenin atap ótti.