Jetisý oblystyq balalardyń quqyqtaryn qorǵaý basqarmasynyń basshysy aýysty
ASTANA. KAZINFORM — Jetisý oblysy ákiminiń ókimimen Abylaı Qultursynov oblystyq balalardyń quqyqtaryn qorǵaý basqarmasynyń basshysy bolyp taǵaıyndaldy, dep habarlaıdy oblys ákimdiginiń baspasóz qyzmeti.
Abylaı Jorabekuly Qultursynov 1994 jyly týǵan, bilimi joǵary. Sýleıman Demırel atyndaǵy ýnıversıtetti «quqyqtaný» mamandyǵy boıynsha bitirgen.
Eńbek jolyn Almaty Bıznes Assotsıatsııasynyń quqyqtyq kómek kórsetý qyzmeti boıynsha mamany bolyp bastaǵan. Ár jyldarda «Astana qalasy kásipkerleriniń palatasy» qoǵamdyq jumystar ótý kezińdegi ákimshilik tosqaýyl men kásipkerlerdiń quqyqtaryn qorǵaý bóliminiń zańgeri, Qazaqstan Respýblıkasy Indýstrııa jáne ınfraqurylymdyq damý mınıstrliginiń Avtomobıl joldary komıtetiniń muraǵatshysy, Ádilet mınıstrligi Zańnama departamenti Úılestirý jáne qosalqy jumys basqarmasynyń, Zań jobalaý qyzmetin úılestirý basqarmasynyń sarapshysy, Qazaqstan Respýblıkasy Parlamenti Senaty depýtatynyń kómekshisi, Jetisý oblysy ákiminiń apparaty memlekettik-quqyqtyq súıemeldeý jáne TQK jumysyn uıymdastyrý bóliminiń bas mamany, syrtqy baılanystar jáne protokoldyq is-sharalar bóliminiń basshysy qyzmetterin atqardy.
2023 jyldyń tamyz aıynan Jetisý oblysy ákimi apparaty basshysynyń orynbasary boldy.
Osyǵan deıin Qazaqstannyń avıatsııa ákimshiliginiń basshysy taǵaıyndalǵanyn jazǵanbyz.
