Ulytaý oblysynda 15 aýyl ishimdikten bas tartty
ASTANA. KAZINFORM – Ulytaý oblysynda birqatar aýyl ishimdikten tolyqtaı bas tartý týraly sheshim qabyldady.
QR ІІM baspasóz qyzmeti málimetinshe, Ulytaý oblysynda birqatar aýyl aqsaqaldary men jastary birigip, ishimdikten tolyqtaı bas tartý týraly sheshim qabyldaǵan. Bul bastama aýyldardaǵy otbasylyq kelispeýshilikter men qylmystyń kúrt azaıýyna alyp keldi, salaýatty ómir saltyna bet burýdyń jarqyn úlgisin kórsetti.
Ulytaý oblysy boıynsha ishimdiksiz aýyldar qataryna myna eldi mekender kiredi: Baıqońyr, Alǵabas, Taldybulaq, Aqtasty Sáken, Qaraǵash, Aqtúbek, Aqtaý, Qylysh, Jumajanov, Orynbaı, Aınabulaq, Aqtaı, Jańatalap, Qaramola, Baıǵul aýyldary.
Bul aýyldarda ishimdik ónimderin satýǵa qatań tyıym salynǵan. Bul sheshim aýyl aqsaqaldarynyń bastamasymen qabyldanǵan jáne jergilikti jastar tarapynan da tolyqtaı qoldaý tapqan.
Aýyl aqsaqaldarynyń parasattylyǵy men jastardyń belsendiligi arqasynda ishimdiksiz ómir salty qalyptasyp, aýyldardaǵy áleýmettik ahýal aıtarlyqtaı jaqsardy. Mundaı qadamǵa barǵannan beri bul aýyldarda otbasylyq janjaldar men qylmystyq oqıǵalar bolmaǵan.
Aıta keteıik, Іshki ister mınıstrliginiń bastamasyn qoldap, salaýatty ómir saltyn ustanýǵa nıetti aýyldardyń qatary Túrkistan oblysynda da artyp keledi.