Ulybrıtanııa SІM basshysy Devıd Kemeron prankerlerdiń qurbany boldy

ASTANA. KAZINFORM – Ulybrıtanııanyń Syrtqy ister mınıstrligi vedomstvo basshysy Devıd Kemeron Ýkraınanyń burynǵy prezıdenti Petr Poroshenkonyń keıpine engen prankerlerdiń qurbany bolǵanyn habarlady.

VVS taratqan málimetterge súıensek, qos taraptyń suhbattasýy beınebaılanys arqyly ótken. Biraq uzaqqa sozylmady. Prankerler mátindik habarlamalar arqyly qońyraý shalýdy usynǵan.

Kemeron vıdeoda Poroshenkoǵa uqsaıtyn adam bolǵanyn aıtady. Keıin ol alaıaqtarmen baılanysqa shyqqanyn túsingen. Sebebi, qońyraý shalýshy odan basqa adamdardyń baılanys málimetterin suraǵan.

Bul oqıǵanyń oryn alǵanyna kóp ýaqyt bola qoıǵan joq. Kemeronǵa kim qońyraý shala alatynyn, olar ne týraly sóıleskenin jáne alaıaqtar mınıstrlik ókilderimen qalaı baılanys ornata alǵany ázirge belgisiz.

Brıtandyq syrtqy saıasat departamenti bul oqıǵa týraly kópshilik aldynda aıtýǵa sheshim qabyldaǵan. Sebebi túsinikti. Syrtqy ister mınıstriniń beınesi men daýysy basqa maqsatta paıdalanylýy múmkin. Sondaı-aq, turǵyndarǵa saqtyq sharasy retinde de eskertý jón dep tapqan.

«Syrtqy ister mınıstri óz qateligine ókinedi. Biz jalǵan aqparatqa qarsy kúresti kúsheıtýimiz kerek», - delingen habarlamada.