Ulandyqtar Astanada adasqan qyzdy anasyna tabystady
ASTANA. KAZINFORM – Ulttyq ulannyń 5573 áskerı bóliminiń áskerı qyzmetshileri elordada adasyp ketken kishkentaı qyzdy taýyp, ata-anasymen tabystyrdy. Bul týraly QR Ulttyq ulanynyń baspasóz qyzmeti habarlady.
24 qańtarda Astana qalasynyń Nura aýdanynda patrýldik-bekettik qyzmet atqarǵan áskerı jasaq bastyǵy qatardaǵy Býnıad Mýzaffarov pen patrýlshi qatardaǵy jaýynger Júrsin Erlikuly kóshede eresekterdiń qaraýynsyz júrgen bes jasar qyzdy baıqady. Belgili bolǵandaı, ol ata-anasynan alystap, adasyp ketken.
– Biz bul týraly áskerı jasaqtar boıynsha kezekshige dereý habarladyq. 15 mınýttan keıin qyzdyń anasy bizge keldi. Anasyna qyzyn tapsyrdyq, - dedi qatardaǵy jaýynger Býnıad Mýzaffarov.
Sábıdiń ata-anasy áskerı jasaqqa, sondaı-aq áskerı bólimniń qolbasshylyǵyna zor alǵysyn bildirdi.
