15:15, 15 Mamyr 2025 | GMT +5
Ýkraına Prezıdenti Túrkııaǵa bardy
ASTANA. KAZINFORM – Ýkraına Prezıdenti Vladımır Zelenskıı beısenbi, 15 mamyr kúni Túrkııa astanasy Ankaraǵa keldi, dep habarlaıdy Anadoly.
Ýkraına basshysy mingen ushaq jergilikti ýaqyt boıynsha 12:14-te Esenboga áýejaıyna qonǵan.
Prezıdentti áýejaıda Ýkraına Syrtqy ister mınıstri Andreı Sıbıga jáne basqa da resmı tulǵalar qarsy aldy.
Ýkraına basshysynyń Túrkııa Prezıdenti Rejep Taıyp Erdoǵanmen kelissóz júrgizýi josparlanyp otyr. Kezdesý Ankaradaǵy Prezıdenttik keshende ótedi, delingen habarda.
Buǵan deıin AQSh-tyń Memlekettik hatshysy Marko Rýbıo NATO-ǵa múshe elderdiń syrtqy ister mınıstrleriniń beıresmı kezdesýine qatysý úshin Túrkııaǵa barǵanyn jazdyq.