Úkimet Tarazdyń 2040 jylǵa deıingi bas josparyn bekitti

TARAZ. KAZINFORM - Qazaqstan Respýblıkasynyń Úkimeti Taraz qalasynyń 2040 jylǵa deıingi damýynyń bas josparyn bekitý týraly qaýly shyǵardy.

Bas josparda mynadaı jobalyq kezeń qabyldandy: bastapqy jyl – 2022 jyl; birinshi kezeń – 2029 jyl; esepti merzim – 2040 jyl.

«Bas jospar qalalyq aýmaqtyń keshendi qala qurylysyn damytý strategııasyn, aýmaqty ońtaıly josparlaý qurylymyn jáne fýnktsıonaldyq aımaqqa bólý baǵytyn, qorshaǵan ortany qorǵaý qaǵıdattaryn, qoǵamdyq qyzmet kórsetý júıesin, kóliktik jáne ınjenerlik ınfraqurylymdy damytýdy, jobalanatyn aýmaqtaǵy ınvestıtsııalyq protsesti uzaq merzimdi josparlaýdy, kóliktik qyzmet kórsetýdi uıymdastyrýdy, ınjenerlik jabdyq júıesin damytýdy, aýmaqty ınjenerlik turǵydan daıyndaýdy jáne abattandyrýdy, qorshaǵan ortany jáne tarıhı-mádenı mura obektilerin qorǵaýdy aıqyndaıdy», - dep jazylǵan Úkimet qaýlysynda.

Ulttyq statıstıka bıýrosynyń 2022 jylǵy málimetine súıensek, Taraz qalasynda 422,8 myń adam turady.