UQK Shekara qyzmetiniń áskerı qyzmetshisi qaıtys boldy
ASTANA. KAZINFORM — Almaty oblysynda shekara qyzmetiniń áskerı qyzmetshisi qaıtys boldy. Bul týraly Ulttyq qaýipsizdik komıteti Shekara qyzmetiniń baspasóz qyzmeti habarlady.
— 2025 jylǵy 5 qazanda Almaty oblysy boıynsha departamenttiń medıtsınalyq qamtamasyz etý bólimshesinde QR UQK Shekara qyzmetiniń qatardaǵy jaýynger qaıtys boldy. Medıtsınalyq qyzmetkerlerdiń aldyn ala qorytyndysyna sáıkes, ólimniń sebebi — menıngokoktsemııa, — delingen habarlamada.
Atalǵan fakti boıynsha Almaty qalasy Naýryzbaı aýdanynyń polıtsııa basqarmasynda sotqa deıingi tergeý tirkeldi. Qyzmettik tekseris bastaldy.
— Qazaqstan Respýblıkasy Ulttyq qaýipsizdik komıtetiniń Shekara qyzmeti marqumnyń týystary men jaqyndaryna qaıǵyryp kóńil aıtady, — delingen habarlamada.
Aıta ketelik Almatyda sarbaz áskerı bólim ǵımaratynyń úshinshi qabatynan sekirip ketken edi.