UQK destrýktıvti dinı aǵym jaqtaýshylaryn ustady
ASTANA. KAZINFORM - Ulttyq qaýipsizdik komıteti bıyl qarasha aıynda Almaty, Aqtóbe, Qonaev jáne Shymkent qalalarynda terrorızmdi áleýmettik jelide nasıhattady degen kúdikpen destrýktıvti dinı aǵymdardyń 6 jaqtaýshysyn ustady.
Tergeýdiń boljamy boıynsha, olar dinı negizde shabýyldar men kisi óltirýge shaqyrýlar taratqan, sonymen qatar zaıyrly tártipke qarsy shyqqan. Tintý barysynda olardan atys jáne sýyq qarý, sondaı-aq kóptegen dinı ádebıet tárkilendi.
Sot sanktsııasymen atalǵan tulǵalar qamaýǵa alyndy.
QR Qylmystyq-protsestik kodeksiniń 201-babynyń 1-bóligine sáıkes ózge aqparat jarııa etýge jatpaıdy.
Sonymen qatar 3 qarashada osyndaı qylmysy úshin terrorızmge shaqyrý materıaldaryn taratqan Aqtóbe oblysynyń turǵyny 7 jylǵa bas bostandyǵynan aıyryldy.
Úkim zańdy kúshine endi.
Jyl basynan beri UQK organdarynyń materıaldary boıynsha terrorıstik jáne ekstremıstik áreket úshin 83 adam ustalyp, 97 adam sottalǵan.
Atyraýda destrýktıvti dinı aǵym ókili turatyn úıdiń aýlasynan marıhýana tabylǵanyn jazǵan edik.