UEFA Ulttar lıgasy: Ispanııa quramasy fınalǵa joldama aldy
NUR-SULTAN. QazAqparat - Ispanııa quramasy UEFA Ulttar lıgasy A dıvızıonynyń fınalyna joldama aldy, dep habarlaıdy QazAqparat tilshisi.
Ispanııalyq fýtbolshylar jartylaı fınalda Italııany 2:1 eesbimen súrindirdi.
Oıynnyń birinshi kezeńinde olardyń qatarynan Ferran Torres 17, 45-mınýttarda mergendik tanytsa, oǵan 81-mınýtta ıtalııalyq Lorentso Pellegrını bir golmen jaýap qaıyrdy.
Osylaısha ıspanııalyqtar fınalǵa joldama aldy.
Endi olar Belgııa jáne Frantsııa jubynyń jeńimpazymen kezdesedi. Atalǵan quramalar 00:35-te jasyl alańǵa shyǵady.
Fınal 10 qazanǵa belgilengen, dál sol kúni 3-oryn úshin saıys ótkiziledi.
2020/21 jylǵy kezeńde Qazaqstan quramasy A tobynda Albanııa, Belarýs jáne Lıtva quramalarymen oınap, tórtinshi oryndy mise tutty.
Endi qazaqstandyq fýtbolshylar 2022 jyldyń 24 jáne 28 naýryz kúnderi ótpeli kezeń oıyndaryn ótizedi.
Jeńgen qurama S lıgasynda qalady.
Ulttar lıgasy oıyndary 2018 jyldan bastap ótip júr. Alǵash ret Portýgalııa quramasy chempıon ataǵyn jeńip aldy.
