Tıantszın ShYU sammıtine daıyndyqty aıaqtady

ASTANA. KAZINFORM —  Qytaıdyń soltústigindegi iri portty megapolıs – Tıantszın qalasynda 31 tamyz ben 1 qyrkúıek aralyǵynda ótetin Shanhaı yntymaqtastyq uıymynyń tarıhtaǵy eń aýqymdy sammıtine daıyndyq jumystary aıaqtalýǵa jaqyn, dep habarlaıdy Sınhýa. 

Іs-sharaǵa 20-dan astam eldiń basshylary men 10 halyqaralyq uıymnyń jetekshileri qatysady.

— Tıantszın – ózińdi qalaýly qonaqtaı sezinetin ári shabyt alatyn qala. Maǵan eń úlken áser qaldyrǵany – jergilikti halyqtyń jylylyǵy, — dedi Pákistannan kelgen Tıantszın ýnıversıtetiniń doktoranty Muhammed Sarfraz.

Sammıtke daıyndyq aıasynda qalada aýqymdy jańǵyrtý jumystary júrgizildi. Qala ortasynan ótetin Haıhe ózeni túnde jarqyraı túsetin boldy. Jaryqtandyrý jobasy aıasynda 217 ǵımarat, 14 kópir jáne uzyndyǵy 8,2 km jaǵalaý jaryqpen kómkerildi.

— Ózenniń osy ásem túngi kórinisteri burynǵydan da kóp týrıst tartyp otyr. Qazir kún saıyn 70-ten astam túngi krýız jasalady, olar tún ortasyna deıin jalǵasady. Bıletterge suranys joǵary, — dedi Tianjin Jinlv Haihe Cruises Co., Ltd kompanııasynyń menedjeri Fan Fýkýn.

Irannan kelgen Nazanın Dehganbordbar qalanyń dástúr men zamanaýılyqty úılestirgenin erekshe baǵalady.

— Tıantszın – ejelgi men jańa dáýirdi baılanystyratyn minsiz kópir. Bul qalada damý qarqynyn sezemin ári uly adamdarmen rýhanı baılanys ornaǵandaı kúı keshemin, — dedi ol.

Qalalyq ákimdik te ınfraqurylymdy jetildirýge erekshe kóńil bóldi: joldar jóndelip, kópirler kútimge alyndy, jasyl aımaqtar keńeıtilip, qoǵamdyq qyzmet kórsetý salasy nyǵaıtyldy.

Tıantszın qalasynyń qala basqarý komıtetiniń basshysy Hý Sıýechýnniń aıtýynsha, bul sharalar qalaǵa «jergilikti ómirdiń qarqyndy serpinin, mádenı tereńdigin jáne halyqaralyq tartymdylyǵyn» arttyrdy.

Jergilikti joǵary oqý oryndarynyń shamamen 1000-ǵa jýyq jas volonteri dıplomatııalyq etıket, tótenshe jaǵdaıǵa den qoıý jáne tildik qyzmet boıynsha daıyndyqtan ótti. Olar ShYU sammıtin ótkizýge qoldaý kórsetpek.

— Álem bizdiń tek zamanaýı qalalyq kórinisimiz ben ekonomıkalyq damýymyzdy ǵana emes, sonymen birge tarıhymyzdyń baılyǵyn jáne qonaqjaılylyǵymyzdy da kóredi, — dedi Tıantszın shet tilder ýnıversıtetiniń erikti-aýdarmashysy Van ıÝıtýn.

Sondaı-aq aýdandardaǵy eriktiler qatarynda zeınetkerler, stýdentter men partııa músheleri «ShYU qyzmet kórsetý toptaryna» qosylyp, dostyq atmosferasyn qalyptastyrýǵa úles qosýda.

— Biz Tıantszınde ShYU sammıtin ótkizý múmkindigin barynsha paıdalanyp, daıyndyq pen qyzmettik qoldaýdy turaqty túrde ilgeriletip, bul aýqymdy halyqaralyq shara úshin qajettiniń bárin qamtamasyz etýdemiz, — dedi uıymdastyrý jumystaryna qatysyp jatqan tıantszındik sheneýnik ıÝı Penchjoý.

Qyrǵyzstandaǵy Dúnıejúzilik saıasat ınstıtýtynyń dırektory Sheradıl Baktygýlov ta sammıtti asyǵa kútýde.

— Tıantszındegi ShYU sammıti jahandyq turaqsyzdyq kezeńinde ótedi, biraq ol qaýipsiz ári turaqty damý jolyn nusqaıtyn shamshyraqqa aınalady, — dep senim bildirdi ol. 

Aıta ketelik Tıantszınde ótetin ShYU samıtinen ne kútýge bolatyny týraly jazǵan edik.