Hokkeıden ÁCh: Qazaqstan quramasy búgin Japonııamen oınaıdy
ASTANA. KAZINFORM — Shaıbaly hokkeıden Qazaqstan quramasy birinshi dıvızıonnyń A tobynda búgin ekinshi oıynyn Japonııaǵa qarsy ótkizedi.
Kezdesý Qazaqstan ýaqytymen 15:30–da bastalyp, «Qazsport» telearnasynan tikeleı efırde kórsetiledi.
Eki qurama qazirge deıin 12 márte kezdesip, barlyǵynda otandastarymyz jeńiske jetti.
Aldaǵy oıyndar kestesi
5 mamyr. 22:30. Qazaqstan — Polsha
7 mamyr. 19:00. Ýkraına — Qazaqstan
8 mamyr. 15:30. Qazaqstan — Frantsııa.
Aıta ketsek, budan buryn qazaqstandyq hokkeıshiler Lıtva quramasynan 4:1 esebimen basym tústi.
Al Japonııa birinshi oıynda Frantsııaǵa 3:4 esebimen jol berdi.
Sondaı-aq atalǵan topta Polsha Ýkraınany 3:2 esebimen tize búktirdi.
Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkindik alsa, sońǵy oryndy mise tutqan qurama V tobyna túsip qalady.
Qazaqstan quramasynyń tizimi
Qaqpashylar: Nıkıta Boıarkın, Andreı Shýtov (ekeýi — «Barys», KHL), Vladıslav Nýrek («Gornıak», Rýdnyı);
Qorǵaýshylar: Ádil Beketaev, Dmıtrıı Breýs, Samat Danııar (barlyǵy — «Barys» KHL), Tamırlan Gaıtamırov, Beıbarys Orazov, Kırıll Nıkıtın (barlyǵy — «Nomad», Astana), Fedor Horoshev («Torpedo», Óskemen), Edýard Mıhaılov («Saryarqa», Qaraǵandy);
Shabýylshylar: Álıhan Ásetov, Dinmuhamed Qaıyrjan, Vsevolod Logvın, Álıhan Ómirbekov, Kırıll Savıtskıı, Semen Sımonov, Ańsar Shaıhmeddenov (barlyǵy — «Barys», KHL), Artýr Gatııatov, Kırıll Lıapýnov, Batyrlan Muratov, Roman Starchenko (barlyǵy — «Nomad», Astana), Arkadıı Shestakov («Admıral», KHL);
Aıta ketsek, qazaqstandyq hokkeıshiler alǵashqy oqý-jattyǵý jıynyn 17 sáýirge deıin Astana qalasynda ótkizdi. Odan keıin Belarýste 26 sáýirge deıin daıyndyq júrgizdi. Onda 25 sáýirde jergilikti «Dınamo-Molodechno» komandasynan 5:1 esebimen basym tústi.
Al 25 sáýirde joldastyq kezdesýde qazaqstandyq hokkeıshiler Slovenııa quramasyn 2:1 esebimen qapy qaldyrdy.
