Týý kórsetkishi boıynsha Mańǵystaý oblysy kósh basynda
ASTANA. KAZINFORM – Ulttyq statıstıka bıýrosynyń málimetinshe, 1 shildedegi jaǵdaı boıynsha halyq sany 20 159 707 adamǵa jetken.
6 aıda halyqtyń jalpy ósimi 125,8 myń adamdy qurady.
Dúnıege kelgen bala sany – 184,7 myń sábı
Qaıtys bolǵandar sany – 66,1 myń adam
Ulttyq statıstıka bıýrosy dereginshe, týýdyń eń joǵary kórsetkishi Mańǵystaý (1000 turǵynǵa 24,80 adam) oblysynyń enshisinde. Sondaı-aq Túrkistan (24,78) oblysy men Shymkent qalasynda (23,55) ósim baıqalǵan.
Ólim-jitimniń eń joǵary deńgeıi Soltústik Qazaqstan (1000 turǵynǵa shaqqanda 11,77), Shyǵys Qazaqstan (11,36) jáne Qostanaı oblystarynda (10,16) baıqaldy, bul atalǵan aımaq halqynyń jas ereksheligimen baılanysty jaǵdaı.
Turaqty turýǵa kelgender – 14,2 myń adam
Shetelge kóshkender – 6,9 myń adam
Kóshi-qon saldosy – 7,2 myń adam
2023 jyldyń tıisti kezeńimen salystyrǵanda Qazaqstanǵa turaqty turýǵa kelgender sany 4,4%, Qazaqstannan ketkender sany 0,4% azaıdy.
Eldiń negizgi kóshi-qon almasýy TMD memleketterimen bolǵan. Dostastyq elderinen kelgenderdiń úlesi 78,2%, al sonda ketkenderdiń úlesi – 77%.
