Túrkistan oblysynda joǵalǵan jasóspirim aman-esen tabyldy
ASTANA.KAZINFORM — Túrkistan oblysynda joǵalyp ketken 2010 jyly týǵan Hasen Mardan oblys polıtseıleriniń jedel áreketiniń nátıjesinde aman-esen Shymkent qalasynan tabyldy.
Jasóspirim 21 naýryz kúni Ordabasy aýdanyndaǵy turǵylyqty mekenjaıynan shyǵyp, Túrkistan qalasyna qydyryp barǵan. Sodan keıin jaqyndarymen baılanysqa shyqpaı, iz-túzsiz ketken.
Atalǵan derek boıynsha Túrkistan oblysy polıtsııa departamentiniń jáne qalalyq polıtsııa basqarmasy qyzmetkerleri birden izdestirý jumystaryn bastap, tájirıbeli jedel ýákilder jumyldyryldy.
Balanyń ata-anasy ulynyń telefony úıinde qalǵanyn aıtyp, onyń tabylmaı jatqanyna alańdaýshylyq bildirdi. Polıtseıler jasóspirimniń júrgen baǵytyn anyqtaý úshin beınebaqylaý kameralaryn muqııat zerdelep, Túrkistan qalasyn tolyq tekserdi. Sodan soń qosymsha kórshiles megapolıste izdestirý jumystaryn jalǵastyrdy.
Nátıjesinde 15 jastaǵy jasóspirim Shymkent qalasynan tabyldy.
Jedel ýákilder ony ata-anasyna tabystady.
Aıta ketelik Túrkistan oblysynda iz-túzsiz joǵalǵan jasóspirim izdestirilip jatqany týraly jazǵan edik.