Túrkistan oblysynda tutqyndar búlik shyǵardy

TÚRKІSTAN. KAZINFORM- Qamaý rejımimen kelispegen tutqyndar áreketi saldarynan ulttyq ulannyń eki áskerı qyzmetshisi men QAJD bir qyzmetkeri dene jaraqat aldy. Olarǵa medıtsınalyq kómek kórsetildi.

Qylmystyq atqarý júıesi komıtetiniń málimetinshe, qazirgi ýaqytta jaǵdaı turaqtalǵan. Atalǵan fakti boıynsha QR QK 428-babynyń 3-bóligi boıynsha qylmystyq is qozǵaldy.

«Túrkistan oblysynyń mekemesinde sottalǵandardyń bir bóligi ustaý rejımimen kelispeýine baılanysty baǵynbaýshylyǵyn bildirdi. Mekemede QAJK tóraǵasy, QAJD jáne Ulttyq ulannyń basshylyǵy, jeke quramy, sondaı-aq qadaǵalaý organdary jumys istep jatyr», -delingen vedomstva aqparatynda.

Buǵan deıin Túrkistan oblysynda oqýshy qyz ben anasyn óltirip ketkenin jazǵan bolatynbyz.