Túrkistan oblysynda preparattar retseptsiz satylǵan
ASTANA. KAZINFORM — Áleýmettik jelilerde Saryaǵashtaǵy dárihanalardyń birinde «Mıdaks» jáne «Alıs» preparattarynyń retseptsiz satylǵany týraly beınejazba taraǵan edi.
QR Densaýlyq saqtaý mınıstrligi jelide taraǵan beınematerıalǵa baılanysty tekseris bastap, shara qabyldaıtynyn málimdedi.
Atalǵan dárilerdiń úılesimi esirtki zaty retinde qoldanylyp, táýeldilikke ákeledi, aǵzaǵa zııan tıgizip, psıhoz ben ýlanýǵa, tipti ólimge soqtyrýy múmkin.
Mınıstrliktiń málimetinshe, Saryaǵash aýdandyq polıtsııasynda TOO Azat Pharm-ǵa qatysty is qozǵaldy. 2022–2025 jyldar aralyǵynda bul dárihanaǵa birneshe ret ákimshilik is qozǵalǵan. Qaıtalanǵan zańbuzýshylyq úshin materıaldar sotqa jiberilip, lıtsenzııasyn toqtatý máselesi qaralýda.
Zańnamaǵa sáıkes, «Mıdaks» pen «Alıs» QR Densaýlyq saqtaý mınıstriniń 2023 jylǵy 26 maýsymdaǵy №120 buıryǵymen ómir men densaýlyqqa qaýipti kúshti áser etetin zattar tizimine engizilgen. Olardy tek dárigerdiń retseptimen ǵana berýge bolady.
QR ÁQBtK-niń 426-babyna sáıkes, mundaı preparattardy zańsyz satý ákimshilik jaýapkershilikke ákeledi. Al 2026 jyldan bastap kúshti áser etetin dárilerdiń zańsyz aınalymy úshin qylmystyq jaýapkershilik engiziledi.
Aıta keteıik, 2027 jylǵa deıin 6500-den astam MSAK mamandary biliktiligin arttyrady.