Túrkistan oblysynda kitaphananyń úzdik oqyrmandaryna velosıped beriledi
Túrkistan oblysynda kitaphananyń úzdik oqyrmandaryna velosıped beriledi, dep habarlaıdy Kazinform.
Keles aýdanynda ornalasqan B.Momyshuly atyndaǵy №59 jalpy orta mektebinde «Kitap oqý baıqaýy» ótip jatyr. «Oqýǵa qushtar mektep» jobasy aıasynda uıymdastyrylǵan is-sharada úzdik oqyrman oqýshylarǵa sporttyq velosıped, planshet jáne taǵy basqa da baǵaly syılyqtar beriledi.
Jobaǵa jergilikti jerdegi jeke kásipkerler – Marat Bekshoraev, Marat Qutymov, Saparhan Ahmetov sııaqty el aǵalary demeýshilik jasap otyr.
«Balalardyń kitap oqýǵa degen qushtarlyǵyn arttyrý, qazaq ádebıetin, aqyn-jazýshylar shyǵarmalaryn tereń zertteýge jáne jas urpaqtyń boıyna kitapsúıgishtik sezimdi qalyptastyrý maqsatynda mundaı aktsııa alǵash ret uıymdastyrylyp otyr. Kitap tereń oılaýdy úıretip, este saqtaý qabiletin jaqsartyp, aqyl-oıdy erkin jetkizýge jattyqtyrady,– deıdi mektep dırektory Ýbaıdýlla Eralıev.
