Túrkistan oblysynda kásipkerdi bopsalaǵan bloger ustaldy
TÚRKІSTAN. KAZINFORM — Polıtsııa qyzmetkerleri jergilikti kásipkerden aqsha bopsalaǵan degen kúdikpen Shymkent qalasynyń turǵynyn ustady.
Oblystyq polıtsııa departamentiniń málimetinshe, uıymdasqan qylmysqa qarsy kúres basqarmasy júrgizgen jedel is-sharalar barysynda kúdikti áleýmettik jelide jábirlenýshiniń bedeline nuqsan keltiretin málimetterdi jarııalaımyn dep qorqytyp, odan 2000 AQSh dollaryn alǵany jáne qosymsha 4 mıllıon teńge talap etkeni anyqtalǵan.
Jedel ýákilder kúdiktini Saıram aýdanyndaǵy kafelerdiń birinde 6900 AQSh dollaryn alyp jatqan sátinde qolǵa túsirdi.
— Atalǵan derek boıynsha sotqa deıingi tergeý amaldary júrgizilip jatyr. Kúdikti ýaqytsha ustaý ızolıatoryna qamaldy. Qazirgi tańda polıtsııa barlyq mán-jaılardy anyqtaýǵa baǵyttalǵan jedel-tergeý is-sharalaryn jalǵastyryp jatyr, — delingen vedlmstva aqparatynda.
Aıta keteıik, budan buryn Saıram aýdanynda 8 adam bóten úıge basyp kirip, búkil otbasyn soqqyǵa jyqqanyn jazǵan bolatynbyz.
