Túrkııada sáýir aıynda eksport kólemi 25,4 mlrd dollarǵa jetti
ASTANA. KAZINFORM — 2026 jyldyń sáýir aıyndaǵy jaǵdaı boıynsha Túrkııa eksportynyń sońǵy 12 aıdaǵy kólemi 275,8 mlrd dollarǵa jetti, dep habarlaıdy Anadoly.
Bıyl sáýir aıynda Túrkııa eksporty 2025 jyldyń sáıkes kezeńimen salystyrǵanda 22,3%-ǵa ósip, 25,4 mlrd dollar boldy. Bul týraly sáýir aıyndaǵy syrtqy saýda derekterine túsinikteme bergen Túrkııanyń Saýda mınıstri Ómir Bolat málimdedi.
— Sáýir aıynda eksport ótken jyldyń osy kezeńimen salystyrǵanda 22,3%-ǵa ósip, 25,4 mlrd dollarǵa jetti. Bul — sáýir aıy úshin eń joǵary kórsetkish jáne aılyq eksport kólemi boıynsha tarıhtaǵy ekinshi nátıje, — dedi mınıstr.
Sondaı-aq Ómir Bolat 2026 jyldyń sáýir aıyndaǵy jaǵdaı boıynsha sońǵy 12 aıdaǵy eksport kólemi 275,8 mlrd dollarǵa jetip, jańa eksporttyq rekord ornatqanyn atap ótti.
Aıta ketelik Túrkııa prezıdenti Rejep Taıyp Erdoǵan 2026–2035 jyldar aralyǵyn «Otbasy jáne demografııa onjyldyǵy» dep jarııalaǵanyn málimdedi.
