Túrkistan oblysynda 24 eldi meken taratylady
Túrkistan oblysynda 24 eldi meken taratylady. Bul týraly oblystyq qoǵamdyq keńes otyrysynda Jer qatynastary basqarmasynyń basshysy Erǵalı Tilegen málimdedi, dep habarlaıdy Kazinform.
Basqarma basshysynyń aıtýynsha, turǵylyqty halqy 50 adamnan az 20 eldi mekender taratylsa, 4 eldi meken biriktiriletin bolady. Olardyń ishinde Báıdibek aýdanynan Nura, Úsiktas, Baıjansaı eldi mekenderi bar. Al, Sozaq aýdanynan Qaqpansor, Qońyrataryq kirgen. Sondaı-aq, Jetisaı, Shardara, Saryaǵash, Qazyǵurt, Saýran, Túlkibas aýdany men Arys qalasynan halyq sany 50-ge jetpeıtin eldi mekender tizimge enip otyr.
«Bul jerde eldi mekender eshqaıda kóshirilmeıdi. Tek qasyndaǵy aýyldyq okrýg aýmaǵyna qaraıtyn bolady. Áleýmettik tólemder qysqarmaıdy, burynǵysha barlyǵy tólene beredi»-dedi Erǵalı Tilegen.
