Túrkııanyń bes eldi mekeninde bir ǵana adamnan turady

ASTANA. KAZINFORM — Túrkııanyń sońǵy resmı statıstıkasy eldiń iri qalalarynda halyqtyń shamadan tys kóp ekenin, al keıbir aımaqta adam múlde joq ekenin kórsetti, dep habarlaıdy Kazinform tilshisi.

Túrkııa Statıstıka mekemesiniń (TÜİK) 2024 jylǵy málimeti boıynsha Túrkııa halqynyń sany 85 664 944-ke jetti.

Osyǵan qaramastan, elde bir ǵana adam ómir súrip jatqan eldi mekender bar. Belgili bolǵandaı, búginde Túrkııadaǵy bes aýyldyń árqaısysynda bir ǵana turǵyn bar.

Shyrnak — Agachıýrdý (Gúchlıýkonak aýdany)

Sıırt — Chattepe (Kýrtalan aýdany)

Igdır — Tarlabasy (Aralık aýdany)

Bıtlıs — Kaıalybaǵ (ortalyq aýdan)

Bıngól — Chomakkóı (Kıgi aýdany)

Bul jerlerde aýyl ómiri toqtap qalǵandaı jáne barǵan saıyn órkenıettiń izi de azaıyp barady.

Túrkııada 10 nemese odan az halqy bar 57 aýyl bar, bul ýrbanızatsııa jáne úlken qalalarǵa kóshý úrdisin rastaıdy.

Biz buǵan deıin Túrkııanyń qartaıǵan halyq máselesimen betpe-bet kelgeni týraly jazǵan bolatynbyz. Eldiń keıbir provıntsııalarynda túrik halqynyń qartaıýy ortasha 43 jasqa jetti.