Túrkııada orman órti qonaqúıge tarady

MUǴLA. QazAqparat – Juma kúni Túrkııanyń Muǵla provıntsııasynda Egeı teńizindegi Marmarıs kýrorttyq qalasynyń mańyndaǵy Ichmeler aýdanynda orman órti shyqty, dep habarlaıdy QazAqparat Euronews-ke silteme jasap.

Ekpindi jelden jalyn qonaqúı aýmaǵyna tarady. Bul mekeme týrızm sektorynda jumys isteıtin stýdentterdi oqytýǵa arnalǵan mektep retinde de qyzmet etedi. Sondaı-aq turǵyn úı alaptarynyń aınalasy otqa orandy.

Órtti sóndirý úshin Muǵla aımaqtyq orman sharýashylyǵy basqarmasynyń jasaqtary men órtke qarsy avıatsııa – 5 ushaq pen 7 tikushaq jumyldyryldy.

Al Frantsııada juma kúni Arkashon basseınindegi La-Test-de-Bıýshte 7000 gektar ormandy órt sharpydy. Jalynnyń taralýy qazirgi ýaqytta baqylaýǵa alynǵan, biraq tolyq sóndirilgen joq.

Frantsııanyń bıoártúrlilik basqarmasynyń (OFB/French Biodiversité Office) komandasy V oklıýz aımaǵyndaǵy qurǵaqshylyqqa baılanysty sýdy únemdi paıdalaný týraly eskertý úshin jeke adamdar men fermerlerdi aralap júr.

Vıdeodan alyn ǵ an kadr