Túrkııada Qazaqstan azamaty qaza tapty — SІM

ASTANA. KAZINFORM — Qazaqstan Respýblıkasynyń Syrtqy ister mınıstrligi 31 naýryzda Ystanbul qalasynyń Fatıh aýdanynda Qazaqstan azamaty qaza tapqany týraly habardar ekenin málimdedi.

— Qazaqstan Respýblıkasynyń Syrtqy ister mınıstrligi 31 naýryzda Ystanbul qalasynyń Fatıh aýdanynda Qazaqstan azamatyna qatysty oqıǵadan habardar. Qazirgi ýaqytta Túrkııa Respýblıkasynyń quzyretti organdary qajetti tergeý amaldaryn júrgizip jatyr, — delingen habarlamada.

Sonymen qatar, vedomstvo Ystanbuldaǵy Qazaqstannyń Bas konsýldyǵy marqumnyń týystaryna barlyq qajetti kómek kórsetip jatqanyn jáne másele tolyq baqylaýda ekenin aıtty.

Eske sala keteıik, Samara mańyndaǵy jol apatynan eki qazaqstandyq qaza tapqanyn jazdyq.