Ulytaý jastary ekologııalyq mádenıetti qalyptastyrýǵa atsalysty
ASTANA. KAZINFORM – Ulytaý oblysynda jastardyń ekologııalyq mádenıetin qalyptastyrý jáne tabıǵatqa jaýapkershiligin arttyrý maqsatynda «Qorshaǵan ortaǵa qamqorlyq – ortaq paryz» taqyrybynda ekosaǵattar uıymdastyryldy.
Іs-shara kolledjderde ótip, oǵan stýdentter belsendi qatysty. Ekosaǵat barysynda qatysýshylar qorshaǵan ortany qorǵaý, tabıǵatty saqtaý jáne ekologııalyq qaýipsizdikti qamtamasyz etý máseleleri boıynsha mańyzdy aqparat aldy. Sonymen qatar jastar óz oı-pikirlerin bildirip, zııatkerlik tapsyrmalar men pikirtalastarǵa qatysty.
Shara aıasynda «Qoqysty azaıtý, suryptaý jáne qaıta óńdeý» taqyrybynda volonterlarmen kezdesý ótti. Kezdesýde stýdentterge turmystyq qaldyqtardy tıimdi basqarý joldary túsindirilip, suryptaý mádenıetin qalyptastyrýdyń mańyzy aıtyldy. Volonterlar óz tájirıbelerimen bólisip, ekologııalyq qozǵalystarǵa qatysýdyń artyqshylyqtaryn jetkizdi.
Sondaı-aq jastarǵa tabıǵı resýrstardy únemdeý, qorshaǵan ortany lastamaý, plastık qaldyqtardy azaıtý jáne qaıta óńdeýdiń mańyzdylyǵy jan-jaqty túsindirildi. Qatysýshylar óńir tazalyǵyn saqtaýǵa belsendi úles qosýǵa daıyn ekendikterin bildirdi.
Іs-shara aıasynda áleýmettik jelilerde «Ózińnen basta» atty ekologııalyq aktsııa uıymdastyrylyp, #TazaQazaqstan heshtegimen materıaldar jarııalandy. Aktsııaǵa jastar, eko-belsendiler men blogerler qatysty.
Mamandardyń aıtýynsha, mundaı bastamalar jas urpaqtyń ekologııalyq saýattylyǵyn arttyryp qana qoımaı, olardyń azamattyq belsendiligin kúsheıtip, týǵan jerge degen jaýapkershiligin qalyptastyrady.
Aıta keteıik, tazalyq ár adamnyń jeke jaýapkershiliginen bastalady.
