Túrkııada dombyra sánge aınaldy
ASTANA. QazAqparat - Túrkııa kóshelerinde kele jatyp dombyra týraly án estiseńiz, qaıran qalmańyz. Óıtkeni dombyra áni túrik elindegi basty partııanyń urany boldy. Bul - noǵaı ánshisi Arsylanbek Sultanbekovtiń «Dombyra» áni, dep jazady Túrkistan gazeti.
Noǵaı tili men qazaq tilinde aıyrmashylyq joqqa tán emes pe? Túrkııadaǵy qazaqtar Arsylanbektiń oryndaýyndaǵy ándi qaıta-qaıta tyńdaýdan esh jalyǵar emes. Al túrikshe aýdarylǵan nusqasyn túbi bir túrki aǵaıyndarymyz saıası naýqan tusynda eldik pen týysqandyqtyń nasıhat quralyna aınaldyrǵan bolatyn. «Bir aı buryn Túrkııa premer-mınıstri Taıyp Erdoǵannyń «Aq partııasy» Arsylanbek Sultanbekovtiń «Dombyra» atty ánin noǵaıshadan túrikshege aýdaryp, partııalyq uranǵa aınaldyrdy. Sonyń arqasynda dombyra Túrik elinde ábden áıgili boldy. Mundaǵy jurttyń bári ándi jatqa aıta bastady. Sóıtip, Qazaq qoǵamynda da dombyra úıirmesi ashyldy», - deıdi Túrkııadaǵy Qazaq qoǵamy dombyra úıirmesiniń muǵalimi Sedat Solaqoǵuly. Sedat myrza ózi Stambulda týsa da, tegi rýmynııalyq tatar ulty bolsa da, qazaq dombyrasyna áýes.
"Áýelde naǵashy apam dombyra týraly jıi aıtatyn. Ol kezde dombyrany múlde kórmegen kezim edi. 1995 jyly Stambuldyń qazaqtar tyǵyz ornalasqan Zeıtinburny aýdanynda dombyramen alǵash tanystym. Sodan bastap, bul aspapqa qyzyǵýshylyǵym artty. 2003-2008 jyldary Qoja Ahmet ıAssaýı atyndaǵy Qazaq-túrik ýnıversıtetinde dombyra aspaby boıynsha bilim aldym. Keıin Túrkııada tuńǵysh ret dombyra aspaby týrasynda magıstrlik dıssertatsııa qorǵap shyqtym. Qazaqtyń aspabyn túrik aǵaıyndarymyzǵa alǵash ret ǵylymı turǵyda tanystyrdyq desek te bolady", - deıdi Sedat Solaqoǵuly.
